2023 წლის 24-25 ივლისს, ბათუმში საქპატენტისა და ამერიკის შეერთებული შტატების სავაჭრო დეპარტამენტის კომერციული სამართლის განვითარების პროგრამის (CLDP) ორგანიზებით, მე-7 საერთაშორისო კონფერენცია - „საქართველო კონტრაფაქციისა და მეკობრეობის წინააღმდეგ“ ჩატარდა. კონფერენციის მონაწილეებმა განიხილეს ტრანსნაციონალური უკანონო ვაჭრობის ახალ ტენდენციები და ციფრული მეკობრეობის თავიდან აცილების თანამედროვე მეთოდები. კონფერენციაზე ასევე ჩატარდა პანელური დისკუსიები. ‘’საჯარო და კერძო სექტორის წარმატებული პარტნიორობის განხორციელება კონტრაფაქციის თავიდან ასაცილებლად მიმართული ბრძოლის სფეროში’’ პანელურ დისკუსიაში მონაწილეობა მიიღო DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარემ ოსმან ჩალიშქან-მჟავანაძემ. მან ყურადღება გაამახვილა საჯარო და კერძო სექტორის თანამშრომლობაზე და საავტორო უფლებების დაცვის აუცილებლობაზე. ბატონმა ოსმანმა კონფერენციის ორგანიზებისთვის მადლობა გადაუხადა ორგანიზატორებს და წარმატებები უსურვა.

2023 წლის 27 ივლისს თურქეთის მხარეს სარფის საბაჟო გამშვებ პუნქტზე თურქეთის რესპუბლიკის ვაჭრობის მინისტრის მოადგილესთან სეზაი უჩარმაქთან სამუშაო შეხვედრა გაიმართა. გამართულ შეხვედრაზე მხარებმა ისაუბრეს საქართველო-თურქეთის სავაჭრო-ეკონომიკურ ურთიერთობებზე, სარფის საბაჟო გამშვებ პუნქტზე არსებული რიგებისა და სხვა აქტუალური პრობლემების აღმოფხვრის გზებზე. DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარემ ოსმან ჩალიშქან მჟავანაძემ ყურადღება გაამახვილა საბაჟოზე არსებულ რიგებსა და დაზღვევის პროცედურებთან დაკავშირებულ პრობლემზე. აღნიშნულ შეხვედრას ესწრებოდა სარფის საბჟო გამშვები პუნქტის ადმინსიტრაციის უფროსი, საერთაშორისო გადამზიდავთა UND) და აღმოსავლეთ შავი ზღვის რეგიონის ექსპორტიორთა ასოციაციის (DKİB) წევრები.

თბილისი-ტრაპიზონი, თბილისი-სამსუნის მიმართულებით პირადაპირი ავიარეისების დანიშვნისა და განხორციელების თხოვნით ბიზნეს წარმომადგენლებმა ავიაკომპანია Geosky-ს უკვე მიმართეს. ტრაპიზონისა და სამსუნის მიმართულებით რეისების განხორციელების საკითხზე, ავიაკომპანია Geosky-ს მენეჯმენტსა და DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან-მჟავანაძე TÜRSAB-ის შავიზღვისპირეთის ოფისის თავმჯდომარესთან ვოლქან ქანთარჯის შორის საქმიანი შეხვედრა შედგა, სადაც განხილული იყო სამომავლო გეგმები და თანამშრომლობა. თბილისი-ტრაპიზონი-თბილისის და თბილისი-სამსუნი-თბილისის საჰაერო ხაზებზე ავიარეისების დანიშვნა ორ ქვეყანას შორის ტურიზმისა და სამედიცინო ტურიზმის განვითარებას შეუწყობს ხელს და ეკონომიკურ ურთიერთობებს კიდევ უფრო გაამყარებს.

დასრულდა კომპანია “Expo Batumi”-ის მიერ ორგანიზებული, სამედიცინო ტურიზმის, ტექნოლოგიებისა და აღჭურვილობის მე-4 საერთაშორისო გამოფენა “ExpoMed Batumi”. გამოფენაში მონაწილეობას ღებულობდა 60-მდე ადგილობრივი და საერთაშორისო სამედიცინო დაწესებულება. ExpoMed Batumi-ის მიზანს წარმოადგენდა საერთაშორისო და ადგილობრივი სამედიცინო სფეროს წარმომადგენლების ერთ სივრცეში გაერთიანება, ახალი კონტაქტების დამყარებასა და სამომავლო თანამშრომლობის მიზნით.

გთხოვთ იხილოთ დაიჯესტი No 711

გთხოვთ იხილოთ დაიჯესტი No 710

გთხოვთ იხილოთ დაიჯესტი No 709

გთხოვთ იხილოთ დაიჯესტი No 708

გთხოვთ იხილოთ დაიჯესტი No 707

გთხოვთ იხილოთ დაიჯესტი No 706