სომხეთის პრეზიდენტის ვიზიტი აჭარაში...

საქართველოს პრეზიდენტმა და აჭარის მთავრობის თავმჯდომარემ სომხეთის პრეზიდენტს ბათუმში უმასპინძლა. მიხეილ სააკაშვილმა სერჟ სარგსიანს დაგეგმილ და მიმდინარე მნიშვნელოვან პროექტებზე ქალაქში გასეირნებისას ესაუბრა. ევროპის მოედანზე აჭარის ინფრასტრუქტურული პროექტების ფოტოკოლაჟი გამოიფინა. რეგიონში მიმდინარე მშენებლობები რამდენიმე ათეულ სასტუმრო კომპლექსს, გასართობ ცენტრებსა და საკონცერტო დარბაზს მოიცავს. მათ შორის არის მსოფლიო ბრენდების - "შერატონის", "ჰილტონისა" და "ჰაიატის" მშენებარე სასტუმროები. მიხეილ სააკაშვილის განცხადებით, ბათუმში ზაფხულის განმავლობაში ბევრი სომეხი ტურისტი ჩამოდის. სომეხ და ქართველ ხალხს შორის ყოველთვის იყო მეგობრული ურთიერთობა, რომელიც სამომავლოდ აუცილებლად გაგრძელდება. სერჟ სარგსიანმა აღნიშნა, რომ ბათუმით მოხიბლული დარჩა და მას სამომავლოდაც აუცილებლად ესტუმრება.

დაწვრილებით...