2012 წლის 23 მარტს საერთაშორისო ინვესტორთა ასოციაციისა და საერთაშორისო სავაჭრო პალატის ორგანიზებით გაიმართა კონფერენცია საგადასახადო სისტემაში განხორციელებული ცვლილებებისა და დანერგილი სიახლეების შესახებ. კონფერენციაზე საერთაშორისო ინვესტორთა ასოციაციის, საერთაშორისო სავაჭრო პალატისა და საერთაშორისო აუდიტორული კომპანიის წარმომადგენლები საგადასახადო სისტემაში განხორციელებული ცვლილებების და ბოლო რამდენიმე წლის განმავლობაში დანერგილი სიახლეების, საგადასახადო სამართლისა და საქართველოში დაბეგვრის სისტემის შესახებ მსჯელობდნენ. პრეზენტაციის დასრულების შემდეგ შეხვედრა კითხვა-პასუხის რეჟიმში გაგრძელდა. მხარეებმა მათთვის მნიშვნელოვან კითხვებზე კომპეტენტური პირებისგან ამომწურავი ინფორმაცია მიიღეს. შეხვედრაზე საუბარი შეეხო საგადასახადო სამართალს, თუ როგორ დაიბეგრება უცხოელი ინვესტორი, რომელიც კაპიტალს მოიზიდავს და საქართველოში დააბანდებს, ასევე იმ სერვისებზე, რომლებსაც შემოსავლების სამსახური გადასახადების გადამხდელებს სთავაზობს. ყურადღება გამახვილდა ინვესტორებისათვის საინტერესო რამდენიმე საკითხზე, როგორიცაა ალტერნატიული საგადასახადო შემოწმება, კერძო საგადასახადო აგენტი და უბნის საგადასახადო ინსპექტორი. კონფერენციას აჭარის ფინანსთა და ეკონომიკის სამინისტროს წარმომადგენლები ესწრებოდნენ, რომლებმაც უცხოელ და ქართველ ბიზნესმენებს ბათუმისა და ქობულეთის ტურისტულ ზონებში არსებული შეღავათები გააცნეს.

გთხოვთ იხილოთ დაიჯესტი No 112

2012 წლის 22 მარტს სასტუმრო "Sheraton palace"-ში აჭარის ა.რ. სავაჭრო-სამრეწველო პალატისა (ასსპა) და აჭარის ა/რ ფინანსთა და ეკონომიკის სამინისტროს ერთობლივი ორგანიზებით 2011 წლის შედეგების მიხედვით ჩატარდა ბიზნესმენთა და მასმედიის წარმომადგენლების დაჯილდოვების ცერემონიალი „AJARA BUSINESS AWARDS 2012”.ღონისძიება გახსნა აჭარის ფინანსთა და ეკონომიკის მინისტრმა ბატონმა ვაჟა ბოლქვაძემ, ასევე აჭარის არ სავაჭრო-სამრეწველო პალატის პრეზიდენტმა ბატონმა თამაზი შავაძემ გააკეთა პრეზენტაცია ასსპა-ს სერვისების, პალატის სტრატეგიული გეგმისა და მასში მიმდინარე რეფორმების შესახებ. ნომინაციების მიხედვით ასსპა-ს მიერ გამოვლინდა 17 გამარჯვებული კომპანია და 3 მასმედიის წარმომადგენელი , რომელთაც გადაეცათ ჯილდოები. ასევე ფინანსთა და ეკონომიკის სამინისტროს მიერ გამოვლინდა 2011 წლის ნომინაციებში გამარჯვებული 11 კომპანია. გამარჯვებულებს გადაეცათ პრიზები. აღნიშვნის ღირსია ის ფაქტი რომ ასსპა-ს და ფინანსთა და ეკონომიკის სამინისტროს მიერ გამოვლენილ ნომინაციებში ჩვენმა ასოციაციამ, ასოციაციის წევრმა კომპანიებმა და თანამშროლებმაც მიიღეს ჯილდები. გამარჯვებულთა შორისაა:

• მსოფლიო ბრენდების შემოყვანისათვის - LTD Ajara Textile

• წარმატებული საბანკო საქმიანობისათვის-JSC Bank of Georgia

• ახალი საექსპორტო ბაზრების ათვისებისათვის-LTD STARARGE

• სხვადასხა დარგში ინვესტირებისათვის-LTD BTM Textile

• სტაბილური სამუშაო ადგილების შექმნისათვის-LTD BatumiTex

• ინვესტორების ლობირებისათვის-International Investors Association

• წლის მენეჯერი ქალბატონი - ნინო ფაცია

"გრანდ ოტელ კემპინსკი" ბათუმის მშენებელმა კომპანიამ საერთაშორისო ხარისხის "ერა 2012"-ის ჯილდო მიიღო. ე.წ. ბიზნეს-ოსკარი კომპანია GIMG-ს სასტუმრო "კემპინსკის" პროექტისთვის გადაეცა. ერას მე-14 საერთაშორისო კონფერენცია ტრადიციულად შვეიცარიაში გაიმართა, რომელზეც 80 ქვეყნის ასობით სხვადასხვა დარგის კომპანია იყო წარდგენილი. ხარისხის მენჯმენტის დაჯილდოების ცერემონიალში მონაწილე კომპანიები ანონიმური წესით ირჩევა, გამარჯვებულს კი უკვე 15-წევრიანი ჟიური ავლენს. ოქროს ჯილდოს მფლობელი კომპანიების შერჩევა 7 კრიტერიუმით ხდება, მათ შორის, ხარისხთან და პროდუქტიულობასთან ერთად, კომპანია უნდა იყოს გამორჩეული მენეჯმენტის თვალსაზრისითა და ლიდერობით. დაჯილდოების ცერემონიალის ფარგლებში გაიმართა ასევე შეხვედრებიც, სადაც აჭარამ, როგორც ტურისტულმა რეგიონმა და მისმა საინვესტიციო გარემომ მონაწილე კომპანიების დიდი ინტერესი გამოიწვია.

გთხოვთ იხილოთ დაიჯესტი No 111

გთხოვთ იხილოთ დაიჯესტი No 110

2012 წლის 9 მარტს  საქართველოს საერთაშორისო ინვესტორთა ასოციაციას ქალაქ თოქათის სავაჭრო-სამრეწველო პალატის წარმომადგენლები ეწვივნენ. სტუმრებს ასოციაციის გენერალური მდივანი ბატონი ოსმან ჩალიშქანი გაუმასპინძლდა. შეხვედრაზე მხარეებმა ორ ქვეყანას შორის ბიზნეს ურთიერთობებზე ისაუბრეს. თურქული მხარე დაინტერესდა საქართველოს საინვესტიციო პოტენციალით. ტურიზმის სფეროსთან დაკავშირებით, გენერალურმა მდივანმა სტუმრებს მიაწოდა სტატისტიკური ინფორმაცია. საუბარი შეეხო მთავრობასა და ბიზნეს შორის თანამშრომლობასაც.

გთხოვთ იხილოთ დაიჯესტი No 109

გთხოვთ იხილოთ დაიჯესტი No 108

გთხოვთ იხილოთ დაიჯესტი No 107