2011 წლის 17 ივნისს, სსია-ს სტუმრობდა თურქეთის ქალაქ ქაჰარამანმარაში სავაჭრო და სამრეწველო პალატის 18 კაციანი დელეგაცია, რომელიც შედგებოდა  სხვადასხვა სფეროში მოღვაწე ბიზნესმენებისაგან.  მათი ვიზიტის მიზანი არის აჭარის ბიზნეს გარემოს გაცნობა დაშეხვედრა ადგილობრივ ბიზნესმენებთან. ბიზნესმენები დაინტერსდნენ აჭარაში მეთევზეობისა და სოფლის მეურნეობის დარგის განვითარებით. სტუმრები გაეცნენ სსია-ს სტრუქტურასა და ძირითად საქმიანობას და გამოხატეს მზადყოფნა ასოციაციასთან თანამშრომლობის გაღრმავებისათვის.

2011 წლის 16 ივნისს, სსია-ს სტუმრობდა ირანელი ბიზნესმენები, კომპანია MARCOPOLO Asia-ს წარმომადგენლები. სტუმრები დაინტერესდნენ აჭარის რეგიონში ტურიზმის განვითარებით და მათ მიერ დაიგეგმა ბათუმში3 ვარსკვლავიანი სასტუმროს მშენებლობა.

გთხოვთ იხილოთ დაიჯესტი No 71

გთხოვთ იხილოთ დაიჯესტი No 70

2011 წლის 7 ივნისს, საერთაშორისო ინვესტორთა ასოციაციას თურქეთის ქალაქ გირესუნის 16 კაციანი ბიზნესმენების დელეგაცია ესტუმრა. ბიზნესმენების ვიზიტის მთავარ მიზანს წარმოადგენდა საქართველოს საინვესტიციო გარემოს შესწავლა და სავაჭრო ურთიერთობების ჩამოყალიბება. სტუმრებმა განაცხადეს, რომ უახლოეს მომავალში საქართველოსთან ერთობლივი ეკონომიკური პროექტების განხორციელება იგეგმება. ბიზნესმენების დელეგაციას მასპინძლობა გაუწია საერთაშორისო ინვესტორთა ასოციაციის თანამშრომლებმა და წევრი კომპანიების წარმომადგენლებმა.

მიმდინარე წლის 1 ივნისს საქართველოს საერთაშორისო ინვესტორთა ასოციაციას ეწვია ავსტრიის საპატიო კონსული საქართველოში ქალბატონი ევა ბერგერი და ავსტრიის სავაჭრო პალატის სავაჭრო დელეგატი ანკარაში ბატონი კონსტანტინ ბეკოსი. მათი ვიზიტის ძირითადი მიზანი იყო აჭარის რეგიონის საინვესტიციო გარემოს გაცნობა. მათი ინფორმაციით, ავსტრიელი ბიზნესმენები დაინტერესებულნი არიან აჭარის რეგიონში სამთო–სათხილამურო კურორტების განვითარებით, აგრეთვე სამშენებლო და სოფლის მეურნეობის სექტორში ინვესტიციების დაბანდებით. სტუმრები ასევე გაეცნენ საერთაშორისო ინვესტორთა ასოციაციის სტრუქტურასა და საქმიანობას.

მიმდინარე წლის 2 ივნისს საერთაშორისო ინვესტორთა ასოციაციას ეწვივნენ აშშ-ის კალიფორნიის ბერკლის უნივერსიტეტის კურსდამთავრებულები, რომლებიც დაინტერესე­ბულნი იყვნენ საქართველოს ბიზნეს გარემოთი. ისინი აწარმოებენ მარკეტინგულ კვლევას საქართველოს ეკონომიკური და საინვესტიციო პოტენციალის შესახებ. სტუმრები გაეცნენ  საერთაშორისო ინვესტორთა ასოციაციის სტრუქტურას და მიიღეს ინფორმაცია ასოციაციის წევრი კომპანიების შესახებ.

2011 წლის 29 მაისს, საერთაშორისო ინვესტორთა ასოციაციას თურქეთის ქალაქ კაისერის სავაჭრო სამრეწველო პალატის წარმომადგენლები სტუმრობდნენ. თურქი ბიზნესმენების საქართველოში ვიზიტის მთავარ მიზანს აჭარის საინვესტიციო გარემოს შეწავლა წარმოადგენდა. სსია-ს წევრი კომპანიების წარმომადგენლებმა სტუმრებს პირადად გაუზიარეს მათი საქართველოში მუშაობის გამოცდილება და ასევე მიაწოდეს ინფორმაცია სსია-ს სტრუქტურასა და საქმიანობაზე.

გთხოვთ იხილოთ დაიჯესტი No 69

მიმდინარე წლის 21 მაისს, საქართველოს საერთაშორისო ინვესტორთა ასოციაციაში გაიმართა მორიგი შეხვედრა საქართველოს ბიზნეს ომბუდსმენთან გიორგი პერტაიასთან, რომელსაც ესწრებოდნენ ასოციაციის წევრი და კანდიდატი კომპანიების წარმომადგენლები. შეხვედრაზე განხილული იქნა საწარმოო დანაკარგებთან და საქონლის განბაჟებისას საბანკო გარანტიებთან დაკავშირებული საკითხები. ბიზნეს ომბუდსმენის განცხადებით, პრობლემა მოგვარებადია და საკითხზე შემოსავლების სამსახურთან ერთად იმუშავებს. ასევე უახლოესი მომავლისთვის დაიგეგმა გასვლითი შეხვედრები სსია–ს წევრ კომპანიებში.