2016 წლის 1 სექტემბერს საერთაშორისო ინვესტორთა ასოციაციის გენერალური მდივანი ოსმან ჩალიშქანი დამოუკიდებელ მრეწველთა და ბიზნესმენთა ასოციაციის „ მუსიად გეორგიას„ თავმჯდომარეს მუსტაფა ოქუთანს შეხვდა. შეხვედრაზე ისაუბრეს რამდენიმე საკითხზე, მათ შორის ეკონომიკის, სოფლის მეურნეობის, ვაჭრობისა და ტურიზმის სფეროებში არსებულ სიახლეებზე. ერთ–ერთი უმნიშვნელოვანეს საკითხად განიხილებოდა საგადასახადო რისკები, თავისუფალი ვაჭრობის საკანონმდებლო ბაზა და საქართველოში მოქმედი საგადასახადო და შრომის კოდექსები. ასოციაციის გენერალურმა მდივანმა „ მუსიად გეორგიას„ თავმჯდომარეს ასოციაციის და მისი წევრი კოპმპანიების შესახებ სრული ინფორმაცია მიაწოდა. შეხვედრის დასასრულს ორივე მხარემ ერთმანეთს სამახსოვრო საჩუქრები გადასცეს და იმედი გამოთქვეს, რომ საქმიანი და ნაყოფიერი ურთიერთობა ასოციაციებს შორის მომავალშიც გაგრძელდება.

გთხოვთ იხილოთ დაიჯესტი No 344

“კომპეტენციათა ცენტრების ქსელი შავი ზღვის რეგიონში საკრუიზო ტურიზმის განვითარებისთვის” - ევროკავშირის პროექტის ფარგლებში ბათუმში საკოორდინაციო შეხვედრები დაიწყო. ევროკავშირის, უკრაინისა და საქართველოს უმაღლესი სასწავლებლების  პროფესორები, სტუდენტები და ტურიზმის დარგში მომუშავე სახელმწიფო და კერძო უწყებები, ერთმანეთს სფეროში დაგროვილ გამოცდილებას უზიარებენ. საკრუიზო ტურიზმის განვითარებისა და განათლების სფეროში საერთო ინტერესების გათვალისწინებით  ბათუმის საზღვაო აკადემიას, აჭარის ტურიზმისა და კურორტების დეპარტმენტს, გიდების ასოციაციასა და საქართველოს საერთაშორისო ინვესტორთა ასოციაციას შორის მემორანდუმი გაფორმდა. პროექტის ფარგლებში საკოორდინაციო შეხვედრები 9 სექტემბრამდე გაგრძელდება. აღნიშნულ მემორანდუმს ხელი მოაწერეს საზღვაო აკადემიის რექტორის მოადგილე აბდულ კახიძემ, აჭარის ტურიზმის გიდების ასოციაციის დირექტორმა თეონა ზოიძემ, აჭარის ტურიზმისა და კურორტების დეპარტამენტის უფროსის მოადგილემ სოფო ლაზიშვილმა და საერთაშორისო ინვესტორთა ასოციაციის გენერალურმა მდივანმა ოსმან მჟავანაძემ. მემორანდუმის მიზანია ტურიზმის განვითარების ხელშეწყობა, ერთობლივი საგანმანათლებლო პროექტების განხორციელება.

გთხოვთ იხილოთ დაიჯესტი No 343

გთხოვთ იხილოთ დაიჯესტი No 342

2016 წლის 24 აგვისტოს,  საქართველოს საერთაშორისო ინვესტორთა ასოციაციის ოფისს, სამუშაო ვიზიტით თურქეთის საგარეო ეკონომიკური ურთიერთობების საბჭოს (DEIK) წარმომადგენლები სტუმრობდნენ. სტუმრები აჭარაში სამუშაო ვიზიტით იმყოფებიან. შეხვერდა ინვესტორთა ასოციაციის ორგანიზებით გაიმართა, თურქეთის დელეგაციას DEIK-ის თურქეთ-საქართველოს ბიზნეს-საბჭოს თავმჯდომარე ჯემალ იანგინი ხელმძღვანელობდა. შეხვედრას ასევე ესწრებოდნენ თურქეთის გენერალური კონსული ბათუმში იასინ თემიზქანი, მუსიად საქართველოს, ბასიადის და ბათიადის წარმომადგენლები და ასევე საერთაშორისო ინვესტორთა ასოციაციის წევრი კომპანიების წარმომადგენლები. შეხვედრაზე აღინიშნა, რომ თურქეთი საქართველოს უმნიშვნელოვანესი სავაჭრო პარტნიორია. ასევე ხაზი გაესვა ინვესტიციებისა და ტურიზმის მიმართულებით რეგიონში უკვე მიმდინარე პროექტებს და მომავალში ამავე სფეროებში თანამშრომლობის პერსპექტივებსაც. შეხვედრის მონაწილეებმა ასევე ისაუბრეს იმის შესახებაც, რომ თანამშრომლობის გაღრმავებას საქართველოსა და თურქეთს ბიზნეს-სექტორებს შორის რეგიონის ეკონომიკური განვითარებისთვის უდიდესი მნიშვნელობა აქვს.ძირითადი აქცენტი გაკეთდა საქართველოდან საქონლის ექსპორტზე. თურქეთის საგარეო ეკონომიკური ურთიერთობების საბჭოს წევრებმა მადლობა გადაუხადეს საქართველოს მთავრობას, იმ მხარდაჭერისთვის, რომელიც გამოხატულ იქნა 15 ივლისის მოვლენებთან დაკავშირებით. „აღნიშნულ პოზიციას თურქეთის ბიზნესწრეები დიდი სიხარულით შეხვდნენ. ეს იყო უპრეცედენტო მხარდაჭერა, რომელიც ერთმა ქვეყანამ შეიძლება გამოხატოს მეორის მიმართ“ - განაცხადა თურქეთის საგარეო ეკონომიკური ურთიერთობების საბჭოს თურქეთ-საქართველოს ბიზნესსაბჭოს თავმჯდომარემ ჯემალ იანგინმა.

აჭარის მთავრობის თავმჯდომარე ზურაბ პატარაძე  თურქეთის საგარეო ეკონომიკური ურთიერთობების საბჭოს (DEIK) წარმომადგენლებს შეხვდა. DEIK-ის წარმომადგენლები საქართველოში სამუშაო ვიზიტით იმყოფებიან. შეხვედრას ასევე ესწრებოდნენ აჭარის სოფლის მეურნეობის მინისტრი ლაშა კომახიძე, აჭარის ფინანსთა და ეკონომიკის მინისტრი რამაზ ბოლქვაძე, აჭარის ფინანსთა და ეკონომიკის მინისტრის მოადგილე სულხან ხალვაში და აჭარის მთავრობის საერთაშორისო ურთიერთობების დეპარტამენტის უფროსი ხათუნა ნაყეური. თურქეთის დელეგაციას DEIK-ის თურქეთ-საქართველოს ბიზნეს-საბჭოს თავმჯდომარე ჯემალ იანგინი ხელმძღვანელობდა. შეხვედრას ასევე ესწრებოდნენ თურქეთის გენერალური კონსული ბათუმში იასინ თემიზქანი, საქართველოს საერთაშორისო ინვესტორთა ასოციაციის გენერალური მდივანი ოსმან ჩალიშქან (მჟავანაძე) და სხვა წევრები.  შეხვედრაზე აღინიშნა, რომ თურქეთი საქართველოს უმნიშვნელოვანესი სავაჭრო პარტნიორია. ასევე ხაზი გაესვა ინვესტიციებისა და ტურიზმის მიმართულებით რეგიონში უკვე მიმდინარე პროექტებს და მომავალში ამავე სფეროებში თანამშრომლობის პერსპექტივებსაც. შეხვედრის მონაწილეებმა ასევე ისაუბრეს იმის შესახებაც, რომ თანამშრომლობის გაღრმავებას საქართველოსა და თურქეთს ბიზნეს-სექტორებს შორის რეგიონის ეკონომიკური განვითარებისთვის უდიდესი მნიშვნელობა აქვს. შეხვედრაზე აჭარის მთავრობის თავმჯდომარემ ზურაბ პატარაძემ მწუხარება გამოთქვა თურქეთის რესპუბლიკაში ბოლო პერიოდში გახშირებული ტერაქტების გამო და თურქეთის ხელისუფლებისა და ხალხის მიმართ თანადგომა გამოხატა.n“თურქეთი ჩვენთვის პარტნიორი ქვეყანაა და მნიშვნელოვანია ის პროექტები,რომლებიც ხორციელდება დღესდღეობით ჩვენს რეგიონში. დაიგეგმა ბიზნეს ფორუმების გამართვა. ჩვენ მაქსიმალურად ვართ დაინტერესებული თურქი ინვესტორების შემოსვლით ჩვენს რეგიონში. განვიხილეთ მიმდინარე და მომავალი პროექტები. მე ვფიქრობ ეს ძალიან მნიშვნელოვანი შეხვედრაა რაც ხელს უწყობს ჩვენს ქვეყნებს შორის ეკონომიკური ურთიერთობების განვითარებას” - განაცხადა ზურაბ პატარაძემ შეხვედრის დასრულების შემდეგ.

ეკონომიკისა და მდგრადი განვითარების მინისტრი დიმიტრი ქუმსიშვილი თურქეთის უმსხვილესი ბიზნესგაერთიანების - თურქეთის საგარეო ეკონომიკური ურთიერთობების საბჭოს (DEIK) დელეგაციის წარმომადგენლებს შეხვდა, რომლებიც საქართველოში სამუშაო ვიზიტით იმყოფებიან. დელეგაციას ხელმძღვანელობდა DEIK-ის თურქეთ-საქართველოს ბიზნესსაბჭოს თავმჯდომარე ჯემალ იანგინ. შეხვედრაზე მხარეებმა განიხილეს ორი ქვეყნის სავაჭრო-ეკონომიკური თანამშრომლობის საკითხები. აღინიშნა, რომ თურქეთი საქართველოს უმნიშვნელოვანესი სავაჭრო პარტნიორია. ასევე დადებითი შეფასება მიეცა ორი ქვეყნის ურთიერთობებს ინვესტიციებისა და ტურიზმის მიმართულებით. აღინიშნა, რომ თანამშრომლობის გაღრმავებას საქართველოსა და თურქეთს ბიზნესსექტორებს შორის რეგიონის ეკონომიკური განვითარებისთვის უდიდესი მნიშვნელობა აქვს. თურქეთის საგარეო ეკონომიკური ურთიერთობების საბჭოს წევრებმა მადლობა გადაუხადეს საქართველოს მთავრობას, განსაკუთრებით კი პრემიერ-მინისტრ გიორგი კვირიკაშვილს იმ მხარდაჭერისთვის, რომელიც გამოხატულ იქნა 15 ივლისის მოვლენებთან დაკავშირებით. - განაცხადა თურქეთის საგარეო ეკონომიკური ურთიერთობების საბჭოს თურქეთ-საქართველოს ბიზნესსაბჭოს თავმჯდომარემ ჯემალ იანგინმა. შეხვედრას ასევე დაესწრნენ თურქეთის ელჩი საქართველოში ზაქი ლევენთ გუმრუქჩუ, ეროვნული საინვესტიციო სააგენტოს ხელმძღვანელი გიორგი პერტაია და ქართველ და თურქ ბიზნესმენთა ასოციაციის თავმჯდომარე ქენან ილდირიმი.

გთხოვთ იხილოთ დაიჯესტი No 341