სტამბოლში ქართული დელეგაციის წევრები თურქეთის „საგარეო ეკონომიკური ურთიერთობის საბჭოში“ (DEIK) შემავალი თურქეთ-საქართველოს ბიზნეს საბჭოს წარმომადგენლებს შეხვდნენ. შეხვედრაზე საქართველო-თურქეთს შორის ტურიზმის სფეროში არსებული ურთიერთობების დინამიკა და სამომავლო თანამშრომლობის პერსპექტივები განიხილეს. სამუშაო შეხვედრა თურქეთში საქართველოს საელჩოს ჩართულობითა და თანაორგანიზებით გაიმართა.

2022 წლის 11 ოქტომბერს ქ. სტამბოლში ტურიზმის სფეროში საქართველო-თურქეთის თანამშრომლობის ორმხრივი სამუშაო ჯგუფის პირველი შეხვედრის ფარგლებში Turkish Airlines და Pegasus Airlines წარმომადგენლებთან სამუშაო შეხვდრა გაიმართა. შეხვედრის ფარგლებში მხარეებმა განიხილეს ქუთაისის საერთაშორისო აეროპორტში ორივე ა/კ პოტენციური ოპერირების შესაძლებლობა. აღსანიშნავია, რომ მ/წლის 2 ნოემბრიდან, ანკარა-თბილისის მიმართულებით ავიაკომპანიის Pegasus Airlines მიერ პირდაპირი ავიარეისების შეასრულება დაიწყება. ამასთან, შეხვედრაზე განხილულ იქნა თურქეთის ავიახაზების კვირაში 5 სიხშირით ბათუმში ოპერირების შესაძლებლობის საკითხი.

2022 წლის 11 ოქტომბერს ქ. სტამბოლში ტურიზმის სფეროში თურქეთ-საქართველოს თანამშრომლობის ორმხრივი სამუშაო ჯგუფის პირველი შეხვედრა გაიმართა.შეხვდრის მიზანს ორ ქვეყანას შორის ტურიზმის სფეროში თანამშრომლობის გაღრმავება და სამომავლოდ ერთობლივი პროექტების განხორციელება წარმოადგენდა. ღონისძიების ფარგლებში მხარეებმა განიხილეს  თურქეთ-საქართველოს ტურიზმის პოტენციალი და ტურისტული პროდუქციის განვითარების შესაძლებლობა. ასევე საუბარი შეეხო  სხვადასხვა ტრენინგისა და ტურისტული ღონისძიებების დაგეგმვასა და სამომავლო თანამშრომლობის პერსპექტივებს. შეხვედრები თურქეთში საქართველოს საელჩოს ჩართულობითა და ორგანიზებით გაიმართა.

2022 წლის 5 ოქტომბერს DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე აზერბაიჯანში თურქეთის ელჩს ჯაჰით ბაღჯის შეხვდა. შეხვედრის მსვლელობისას მხარეებმა ისაუბრეს აქტუალ საკითხებზე, თურქეთის-აზერბაიჯანის-საქართველოს ურთიერთობების გაღრმავებაზე.

კომპანია GEONET EXPO-ს ორგანიზებით, ბათუმში სამედიცინო ტურიზმის, ტექნოლოგიებისა და აღჭურვილობის მე-3 საერთაშორისო გამოფენა ExpoMed Batumi გაიხსნა. გამოფენის გახსნის ცერემონიალს მთავრობა, მინისტრები, დიპლომატიური კორპუსის წარმოადმგენლები, ასოციაციების თავმჯდომარეები და ბიზნესმენები ადაესწრნენ. გამოფენაზე წარმოდგენილია სამედიცინო აღჭურვილობა და ხელსაწყოები, ერთჯერადი მოხმარების საგნები, სადიაგნოსტიკო აპარატურა, პრევენციული და პოსტდიაგნოსტიკური მკურნალობის მეთოდები, IT სისტემები, ორთოპედია, ფიზიოთერაპია/რეაბილიტაცია და სხვა. გამოფენაზე წარმოდგენილი არიან როგორც ადგილობრივი, ასევე საერთაშორისო სამედიცინო და სარეაბილიტაციო დაწესებულებები. პარალელურად იმართება საერთაშორისო სამედიცინო კონფერენცია და B2B შეხვედრები. ასევე, სისხლის დონაციის აქცია ‘’გაეცი სისხლი, გადაარჩინე სიცოცხლე’’.  ExpoMed Batumi-ს მიზანია საერთაშორისო და ადგილობრივი სამედიცინო სფეროს წარმომადგენლების საქმიანობის პოპულარიზაცია, ახალი კონტაქტების დამყარება და სამომავლო თანამშრომლობა.

2022 წლის 9 სექტემბერს ქ. თბილისში „დიაგონალური კუმულაცია საქართველოს, თურქეთსა და ევროკავშირს შორის - სავაჭრო და საინვესტიციო შესაძლებლობები“ სახელწოდებით ბიზნეს ფორუმი გაიმართა. ფორუმზე განიხილეს საქართველოს საინვესტიციო და ეკონომიკური შესაძლებლობები, დიაგონალური კუმულაციის მნიშვნელობა და შედეგები. ასევე გაიამრთა B2B შეხვედრები საქართველოსა და თურქეთის კომპანიებს შორის. ფორუმს ესწრებოდნენ, თურქეთის ვაჭრობის მინისტრი მეჰმეთ მუში, საქართველოს ფინანსთა მინისტრი ლაშა ხუციშვილი, აგრეთვე USAID საქართველოს მისიის ხელმძღვანელი ჯონ პენელი, სააგენტოს „აწარმოე საქართველოში“ დირექტორი მიხეილ ხიდურელი, საქართველოს სავაჭრო - სამრეწველო პალატის ხელმძღვანელი გიორგი პერტაია, საქართველოსა და თურქეთის კომპანიებისა და ასოციაციების წარმომადგენლები. აღნიშნულ ფორუმს, DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძეც ესწრებოდა. ბატონმა ოსმანმა აღნიშნა, რომ დიაგონალური კუმულაცია ხელს შეუწყობს ახალი ინვესტიციების მოზიდვას და სამუშაო ადგილების ზრდას.

2022 წლის 22 სექტემბერს DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე სარფის საბაჟო გამშვები პუნქტის უფროსს შენოლ ალქანს ეწვია. შეხვედრის მსვლელობისას მხარეების მიერ განხილულ იქნა, ორი ქვეყნის სავაჭრო-ეკონომიკური ურთიერთობები, სარფის საბაჟო გამშვებ პუნქტზე სატვირთო ავტომობილების რიგების მიზეზები და აღმოფხვრის გზები, ასევე საბაჟო გამშვებ პუნქტზე არსებული პრობლემების გადაჭრა და სხვა აქტუალური საკითხები. აღნიშნულ საკითხებთან დაკავშირებით მხარეებს შორის მოხდა აზრთა გაზიარება.

2022 წლის 22 სექტემბერს DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე, სარფის საბაჟო გამშვები პუნქტის (საქართველოს მხარეს) უფროსს ბატონ ზურაბ ინასარიძეს ეწვია. ბატონ ზურაბს თანამდებობაზე დანიშვნა მიულოცა და წარმატებები უსურვა. შეხვედრის მსვლელობისას მხარეებმა ისაუბრეს მიმდინარე აქტუალ საკითხებზე, საქართველო-თურქეთის სავაჭრო ეკონომიკურ ურთიერთობებზე, სარფის საბაჟო გამშვებ პუნქტზე არსებულ პრობლემებზე და გადაჭრის გზებზე.

2022 წლის 23 აგვისტოს DEİK-ის თურქეთ საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე აჭარის ავტონომიური რესპუბლიკის უმაღლესი საბჭოს თავმჯდომარეს დავით გაბაიძეს ეწვია. შეხვედრის მსველობისას მხარეებმა ისაუბრეს, მიმდინარე აქტულურ საკითხებზე, თურქეთ-საქართველოს ეკონომიკური ურთიერთობების გაღრმავებაზე, საქართველოს საინვესტიციო პოტენციალზე, ბიზნესში არსებულ გამოწვევებზე და უცხოური ინვესტიციების მოზიდვის მნიშვნელობაზე. ბატონმა ოსმანმა, ბატონ დავითს მადლობა გადაუხადა თურქეთში ჩვენებურების (თურქეთში მცხოვრებ ქართველების) მიერ ორგანზებულ კავკასიური ფოლკლორის ფესტივალზე დასწრებისა და მხარდაჭერისთვის.

2022 წლის 23 აგვისტოს DEİK-ის თურქეთ საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე ქალაქ ბათუმის მუნიციპალიტეტის საკრებულოს თავმჯდომარეს რამაზ ჯინჭარაძეს ეწვია. ბატონმა ოსამანმა ბატონ რამაზს თანამდებობაზე დანიშვნა მიულოცა და წარმატებები უსურვა. შეხვედრის მსვლელობისას მხარეებმა ისაუბრეს, საქართველო-თურქეთს შორის ორმხრივი სავაჭრო-ეკონომიკური თანამშრომლობის საკითხებზე, მიმდინარე აქტუალურ საკითხებზე, საქართველოს საინვესტიციო გარემოზე და ქვეყანაში მეტი უცხოური ინვესტიციის მოზიდვის მნიშვნელობაზე.