გთხოვთ იხილოთ დაიჯესტი No 154

მიმდინარე წლის 12 იანვარს, თურქეთის “Beyazay”-ის ასოციაციამ თანამშრომლობის მემორანდუმი გააფორმა სამედიცინო ასოციაცია “თანა”-სთან. მემორანდუმის თანახმად “Beyazay”-ის ასოციაცია “თანა”-სთან არსებულ უნარშეზღუდულ ბავშვთა ცენტრს მუდმივად გაუწევს საჭირო დახმარებას. მემორანდუმს ხელი მოაწერეს “Beyazay”-ის  თავმჯდომარემ ლოქმან აივასმა და “თანას” თავმჯდომარემ ნანა საყვარელიძემ. ღონისძიებას სხვა მოწვეული სტუმრებიც დაესწრნენ, მათ შორის თურქეთის მხრიდან სამი პარლამენტარი, ხოლო ქართული მხრიდან მთავრობის წარმომადგენლები. ასევე საერთაშორისო ინვესტორთა ასოციაციის თავმჯდომარე ჯემალ ბილგინგულლუოღლუ და წევრი კომპანიები. თანამშრომლობის მემორანდუმის იდეა ინვესტორთა ასოციაციას გაუჩნდა გასული წლის 28 დეკემბრის საქველმოქმედი აქციის შემდეგ, რომლის ფარგლებშიც უნარშეზღუდულ ბავშვებს საყოფაცხოვრებო ინვენტარი და სათამაშოები გადასცა.

საერთაშორისო ინვესტორთა ასოციაციის გენერალურმა მდივანმა ბატონმა ოსმან ჩალიშქანმა გასული წელი გადაცემა დროის ვექტორში შეაჯამა. საუბარი ძირითადად რეგიონის საინვესტიციო გარემოს და სამომავლო გეგმებს შეეხო. მისი თქმით, 2012 წელს ძირითადად თურქეთის რესპუბლიკის ბიზნესწრეების წარმომადგენლები დაინტერესდნენ აჭარის ბიზნესგარემოთი, ინვესტიციის დიდი ნაწილი ტექსტილის და მშენებლობის სფეროებში ჩაიდო. გენერალურმა მდივანმა ასევე ისაუბრა ასოციაციის შესახებ, რომ ის 23 წევრ კომპანიას აერთიანებს და მთავარი მიზანი, მეტი ინვესტიციების მოზიდვა და ბიზნესის განვითარება–გაუმჯობესებაა. მან თქვა, რომ დღეისათვის ქვეყანაში ბიზნესის განხორციელებისთვის საკმაოდ ხელსაყრელი პირობებია შექმნილი, დაბალი ტარიფები, ლიბერალური სავაჭრო რეჟიმი, გამარტივებული პროცედურები, მყარი მაკროეკონომიკური გარემო, სტრატეგიულ-გეოგრაფიული ადგილმდებარეობა. რაც შეეხება, თავის შეხედულებას თუ რა უნდა გაკეთდეს იმისთვის, რომ ბიზნესგარემო საქართველოში უფრო მიმზიდველი გახდეს, მან თქვა, რომ მიმდინარეობს მოლაპარაკებები, რაც მთავარია მთავრობა მზადაა მაქსიმალურად ხელი შეუწყოს ბიზნეს გარემოს განვითარებას საქართველოში. ინვესტორთა ასოციაცია საქართველოს საერთაშორისო სავაჭრო პალატასთან ერთად აქტიურად არის ჩართული, შრომითი და საგადასახადო კოდექსების ცვლილება-გამარტივებასთან დაკავშირებით. ინვესტორთა ასოციაცია სამომავლოდ გეგმავს ხელი შეუწყოს უფრო მეტი ადამიანის დასაქმებას, მოიზიდოს მეტი ინვესტიცია და ბიზნეს წარმომადგენლებს დაეხმაროს ბიზნესის განვითარებაში.

აჭარის ა.რ. დასაქმების სააგენტომ 2012 წლის საუკეთესო დამსაქმებლები და პარტნიორები დააჯილდოვა. აღსანიშნავია, რომ საერთაშორისო ინვესტორთა ასოციაცია საუკეთესო პარტნიორთა შორის მოხდა.

ბათუმში, ბაგრატიონის ქუჩაზე ახალი საავადმყოფოს მშენებლობა მიმდინარეობს. 92 საწოლზე გათვლილ მრავალფუნქციურ კლინიკაში რადიოლოგიური, ანგიოგრაფიული, ქირურგიული, კარდიოლოგიური, ინტენსიური თერაპიის განყოფილებები, გულსისხლძარღვთა და ახალშობილთა რეანიმაცია, ლაბორატორიები და რამდენიმე პოლიკლინიკა განთავსდება. მშენებლობაში 20 მილიონი აშშ დოლარის ინვესტიცია განხორციელდება და მისი ამოქმედების შემდეგ საავადმყოფოში 180 ადამიანი დასაქმდება. კომპანია "სისტემ ინშაათი" მშენებლობის დასრულებას 2013 წლის აპრილისთვის გეგმავს. კლინიკა მართვაში ცნობილ თურქულ კომპანია "მედიკანა გრუპს" გადაეცემა. მშენებარე ობიექტი  აჭარის მთავრობის თავმჯდომარემ დაათვალიერა. არჩილ ხაბაძის განცხადებით, აღმასრულებელი ხელისუფლება რეგიონში მიმდინარე საინვესტიციო პროექტებს მხარს აქტიურად დაუჭერს.

გთხოვთ იხილოთ დაიჯესტი No 153

გთხოვთ იხილოთ დაიჯესტი No 152

საერთაშორისო ინვესტორთა ასოციაცია და წევრი კომპანიები მიმდინარე წლის 28 დეკემბერს უნარშეზღუდულ ბავშვებს ეწვივნენ და დახმარების სახით საჩუქრები გადასცეს. აქციის ფარგლებში, ბავშვები საყოფაცხოვრებო ინვენტარით, მაცივრით, გაზქურით, პერსონალური კომპიუტერით და საბავშვო სათამაშოებით მოამარაგეს. ასოციაცია მზად არის სამომავლოდაც გააგრძელოს საქველმოქმედო აქციები და საზოგადოების სოციალურად დაუცველ ფენას დახმარება გაუწიოს.

გთხოვთ იხილოთ დაიჯესტი No 151

გთხოვთ იხილოთ დაიჯესტი No 150