გთხოვთ იხილოთ დაიჯესტი No 119

გთხოვთ იხილოთ დაიჯესტი No 118

გთხოვთ იხილოთ დაიჯესტი No 117

გთხოვთ იხილოთ დაიჯესტი No 116

2012 წლის 3 მაისს ბათუმში, სასტუმრო შერატონში გაიმართა იზმირი-ბათუმის ბიზნეს ფორუმი.  ფორუმს ორგანიზება გაუწია საერთაშორისო ინვესტორთა ასოციაციამ და იზმირის სავაჭრო პალატამ  აჭარის მთავრობის, ფინანსთა და ეკონომიკის სამინისტროს, ტურიზმის დეპარტამენტის და სოფლის მეურნეობის სამინისტროს მხარდაჭერით. კონფერენციას იზმირის სავაჭრო პალატის 90 წევრი კომპანიის წარმომადგენელი დაესწრო.  მათგან 53 კი ორმხრივი შეხვედრებში ღებულობდა მონაწილეობას. ქართულ მხარეს წარმოადგენდნენ ინვესტორთა ასოციაციის , სოფლის მეურნეობის სამინისტროს, სავაჭრო პალატის, ტურიზმის დეპარტამენტის და ფინანსთა სამინისტროს მიერ მოწვეული 50-ამდე კომპანია. კონფერენცია გაიხსნა აჭარის ა.რ. მთავრობის თავმჯდომარის ბ-ნი ლევან ვარშალომიძის სიტყვით გამოსვლით. სიტყვით გამოვიდნენ ასევე თურქეთის კონსული ბათუმში, იზმირის სავაჭრო პალატის თავმჯდომარე და აჭარის სავაჭრო-სამრეწველო პალატის თავმჯდომარე.  ნაჩვენები იქნა აჭარისა და ბათუმის ამსახველი ვიდეო  რგოლები. გაკეთდა ბათუმის საინვესტიციო სააგენტოს პრეზენტაცია.  სტუმრებს აჭარის საინვესტიციო და ეკონომიკური პოტენციალი გააცნეს. კონფერენციის შემდეგ გაიმართა ორმხრივი შეხვედრები 5 სხვადასხვა სექტორად დაყოფილ მაგიდებთან: ტურიზმი, სოფლის მეურნეობა, ინვესტორთა ასოციაცია და სავაჭრო პალატა, მშენებლობა, თავისუფალი ეკონომიკური ზონა.  შეხვედრებზე ორმხრივი თანამშრომლობის საკითხებზე ხარეები თანამშროლობის სფეროების გაფართოებაზეც შეთანხმდნენ.

გთხოვთ იხილოთ დაიჯესტი No 115

გთხოვთ იხილოთ დაიჯესტი No 114

„ჯიპიაი ჰოლდინგი“ ოქროს ბრენდის ბიზნეს ნომინაციის მფლობელი მეორედ გახდა - კომპანია 2011  წლის რჩეულ ბრენდად აღიარეს.რჩეული ბრენდების დაჯილდოების ყოველწლიური, მეშვიდე ცერემონია კომპანია Global Idea-მ და გაზეთმა The FINANCIAL-მა თბილისის მერიის, საქართველოს სავაჭრო-სამრეწველო პალატის და ამერიკის სავაჭრო პალატის მხარდაჭერით სასტუმრო „რადისონ ბლუ ივერია“-ში გამართეს.ოქროს ბრენდი ავლენს და აჯილდოვებს იმ კომპანიებს, რომლებმაც ბრენდინგულ საქმიანობაში განსაკუთრებულ წარმატებებს მიაღწიეს. ცნობისთვის: “ჯიპიაი ჰოლდინგი” დაარსდა 2001 წელს, როგორც პირველი კერძო საპენსიო ფონდი  საქართველოში.  კომპანიის  პრიორიტეტია ქვეყანაში  სოციალური დაზღვევის განვითარება. უკვე რამდენიმე წელია დაზღვევის ამ სახეობებში, კერძოდ,  საპენსიო და ჯანმრთელობის დაზღვევაში, “ჯიპიაი ჰოლდინგი” ბაზარზე ლიდერის პოზიციას ინარჩუნებს. “ჯიპიაი ჰოლდინგი” ევროპის ერთ-ერთი უმსხვილესი სადაზღვევო კომპანიის – “ვენის სადაზღვევო ჯგუფის” შვილობილი კომპანიაა.საქართველოში ”ვენის სადაზღვევო ჯგუფში” ორი კომპანია შედის - ”ჯიპიაი ჰოლდინგი” და ”ირაო”.

გთხოვთ იხილოთ დაიჯესტი No 113

2012 წლის 23 მარტს საერთაშორისო ინვესტორთა ასოციაციისა და საერთაშორისო სავაჭრო პალატის ორგანიზებით გაიმართა კონფერენცია საგადასახადო სისტემაში განხორციელებული ცვლილებებისა და დანერგილი სიახლეების შესახებ. კონფერენციაზე საერთაშორისო ინვესტორთა ასოციაციის, საერთაშორისო სავაჭრო პალატისა და საერთაშორისო აუდიტორული კომპანიის წარმომადგენლები საგადასახადო სისტემაში განხორციელებული ცვლილებების და ბოლო რამდენიმე წლის განმავლობაში დანერგილი სიახლეების, საგადასახადო სამართლისა და საქართველოში დაბეგვრის სისტემის შესახებ მსჯელობდნენ. პრეზენტაციის დასრულების შემდეგ შეხვედრა კითხვა-პასუხის რეჟიმში გაგრძელდა. მხარეებმა მათთვის მნიშვნელოვან კითხვებზე კომპეტენტური პირებისგან ამომწურავი ინფორმაცია მიიღეს. შეხვედრაზე საუბარი შეეხო საგადასახადო სამართალს, თუ როგორ დაიბეგრება უცხოელი ინვესტორი, რომელიც კაპიტალს მოიზიდავს და საქართველოში დააბანდებს, ასევე იმ სერვისებზე, რომლებსაც შემოსავლების სამსახური გადასახადების გადამხდელებს სთავაზობს. ყურადღება გამახვილდა ინვესტორებისათვის საინტერესო რამდენიმე საკითხზე, როგორიცაა ალტერნატიული საგადასახადო შემოწმება, კერძო საგადასახადო აგენტი და უბნის საგადასახადო ინსპექტორი. კონფერენციას აჭარის ფინანსთა და ეკონომიკის სამინისტროს წარმომადგენლები ესწრებოდნენ, რომლებმაც უცხოელ და ქართველ ბიზნესმენებს ბათუმისა და ქობულეთის ტურისტულ ზონებში არსებული შეღავათები გააცნეს.