ამა წლის 31 ივლისს საქართველოს საერთაშორისო ინვესტორთა ასოციაციაში გაიმართა შეხვედრა მაღალი ტექნოლოგიების საერთაშორისო კონსორციუმის თავმჯდომარესთან ბატონ ილია ტანოურთან. აჭარის ფინანსთა და ეკონომიკის მინისტრთან შეხვედრის შემოდგომ ილია ტანოურმა ასოციაციის წევრებს შესთავაზა დახმარება და თანადგომა ტექნოლოგიების საკითხში. შეხვერდა მეგობრულ ატმოსფეროში გაიმართა და მომავალში მრავალი საინტერესო პროექტის განხორციელებას გვპირდება.

საქართველოს საერთაშორისო ინვესტორთა ასოციაციის ოფისში შედგა შეხვედრა თურქ ბიზნესმენებთან, რომლებიც დაინტერესებულნი არიან ბათუმში სამშენებლო საქმიანობით. ინვესტორები გაეცნენ აჭარში სამშენებლო ბიზნესის განვითარების ტენდენციებს, საგადასახადო კანონმდებლობასა და საინვესტიციო გარემოს. დელეგაციის ხელმძღვანელის მეჰმეთ არდანუჩის განცხადებით, აჭარაში არსებულმა საინვესტიციო გარემომ შთამბეჭდავი ზეგავლენა მოახდინა მათზე. ბიზნესმენები უკვე აწარმოებენ კონკრეტულ მოლაპარაკებას და უახლოეს მომავალში დაიწყებენ ინვესტირებას კონკრეტული პროექტის განსახორციელებლად.

ამა წლის 29 ივლისს საერთაშორისო ინვესტორთა ასოციაციის ოფისში გაიმართა შეხვდერა ფრანგ ინვესტორთან იან იჩბიასთან, რომლიც გეგმავს ფრანგული რესტორნის და სასტუმროს აშენებას ქობულეთსა და კვარიათში. ინვესტორი ასოციაციის გენერალურმა მდივანმა ბატონ თამაზ შავაძემ მიიღო. შეხვედრას გაცნობითი ხასიათი ქონდა. ფრანგული რესტორნისა და სასტუმროს მშენებლობის დაწყება უახლოეს მომავალში იგეგმება და რეგიონს შეემატება კიდევ ერთი სასტუმრო და კვების ობიექტი ფნარგული რესტორნის სახით სახელად “პარიზი-ქობულეთი”.

2010 წლის ივლისში სავაჭრო სამართლის განვითარების პროგრამ-ით CLDP შესაბამისი სამთავრობო, სავაჭრო ასოციაციებისა და მწარმოებელი კერძო სექტორის წარმომადგენლებისათვის გაიმართა სემინარები, სექტორული შეხვედრები და საიტ-ვიზიტები თბილისში, ქუთაისსა და ბათუმში თემაზე „როგორ გავზარდოთ საქართველოს ექსპორტი სავაჭრო პრეფერენციათა განზოგადებული სისტემის (GSP) ფარგლებში და როგორ დავაკმაყოფილოთ აშშ-ს იმპორტის სტანდარტები და მოთხოვნები“.

26 ივლისს ქ. ბათუმში სასტუმრო შერატონში გამართულ სემინარზე პროგრამის მომხსენებლები წარმოადგენდნენ აშშ–ს ვაჭრობის წარმომადგენლობით ოფისს (USTR), აშშ-ს საკვები პროდუქციის და წამლის ადმინისტრაციას (FDA), აშშ-ს სოფლის მეურნეობის სამინისტროს ცხოველთა და მცენარეთა უვნებლობის ინსპექციის სამსახურს (USDA/APHIS), ალკოჰოლის და თამბაქოს გადასახადის და ვაჭრობის ბიუროს (TTB), აშშ–ს საბაჟო და სასაზღვრო დაცვასა (CBP) და აშშ-ს ვაჭრობის დეპარტამენტს.

პროექტის მიზანი იყო:

1. პრაქტიკული დახმარების გაწევა საქართველოს მთავრობისა და სოფლის მეურნეობის ბიზნესისადმი, რათა ამ უკანასკნელთ შეეძოთ აშშ-ში არსებულ საბაზრო შესაძლებლობებში გარკვევა და ამ გზით საკუთარი პროდუქციის ექსპორტის გაზრდა.

2. საქართველოს მთავრობის და კერძო სექტორის წარმომადგენლების ცოდნის დონის გაზრდა აშშ-ს მთავრობის საიმპორტო (განსაკუთრებით სოფლის მეურნეობის პროდუქტებზე) მოთხოვნების დასაკმაყოფილებლად.

3. საქართველოს მთავრობის და ექსპორტიორი კერძო სექტორის წარმომადგენლების შესაძლებლობათა ზრდა სავაჭრო პრეფერენციათა განზოგადებული სისტემით (GSP) გათვალისწინებული შეღავათებით სარგებლობის საქმეში.

გაერთიანებული ერების ორგანიზაციისა და მსოფლიო ბანკის ერთობლივი საჭიროებების შეფასების კვლევის მიხედვით, 2009 წლის დასაწყისში ქართული პროდუქტებისა და მომსახურების ექსპორტის 22 პროცენტით შემცირება იყო ნავარაუდევი. ამასთანავე, საქართველოს სტატისტიკის დეპარტამენტის მონაცემების თანახმად, 2009 წელს საქართველოს ექსპორტმა აშშ-ში სულ რაღაც 37 მილიონი დოლარი (საერთო ექსპორტის 3%) შეადგინა და შეიცავდა სავაჭრო პრეფერენციათა განზოგადებულ სისტემაში (GSP) შემავალი 3400 პროდუქტიდან მხოლოდ 9-ს. სოფლის მეურნეობის სექტორი, რომელიც საქართველოს ეკონომიკური აქტივობის 16 პროცენტს შეადგენს, პროდუქციის მნიშვნელოვანი საექსპორტო ბაზაა სხვა ქვეყნებში გასატანად. სავაჭრო პრეფერენციათა განზოგადებულ სისტემაში (GSP) შემავალი პროდუქციის აშშ-ში ექსპორტის გაზრდა შესაძლებელია ტექნიკური დახმარების მეშვეობით, რაც გულისხმობს საქართველოს ექსპორტიორთა ცოდნის გაღრმავებას, რათა მათ უკეთ შეძლონ საკვები პროდუქციის აშშ-ში ექსპორტის სტანდარტების მოთხოვნების შესრულება და აითვისონ GSP-ით გათვალისწინებული საექსპორტო შეღავათები.

საფრანგეთის სავაჭრო ატაშე დანიელ ფატათი საერთაშორისო ინვესტორთა ასოციაციას სტუმრობდა. შეხვედრაში მონაწილეობდა ფრანგ ბიზნესმენთა საბჭოს კავკასიის კოორდინატორი. შეხვედრა გაცნობით ხასიათს ატარებდა. ასოციაციის თავმდჯდომარემ ჯემალ ბილგინგულლოღლუმ მათ გააცნო ასოციაციის სტრუქტურა, ძირითადი მიზნები, ხედვები და ამოცანები. სტუმრები აჭარაში მთავრობის ხელმძღვანელობასთან შეხვედრის შემდეგ ასოციაციის საქმიანობით დაინტერესდენ. მათ კმაყოფილება გამოთქვეს აჭარაში ინვესტორთა წარმატებული საქმიანობისა და კარგი საინვესტიციო გარემოს გამო.

მიმდინარე წლის 22 ივლისს გაიმართა საქართველოს საერთაშორისო ინვესტორთა ასოციაციის სამეთვალყურეო საბჭოს მორიგი სხდომა. სხდომაზე განხილული იქნა ასოციაციის ფინანსური მდგომარეობა და შემოწმებული იქნა მიმდინარე წლის ფინანსური ანგარიშგება. ფინანსური მდგომარეობისა და უფრო წარმატებული მუშაობის განხორციელების მიზნით საკუთარი მოსაზრებები გამოთქვეს და შენიშვნები შეიტანეს სამეთვალყურეო საბჭოს თავმდჯდომარემ ბატონმა ლევან შერვაშიძემ და საბჭოს წევრმა ილქერ დინდარმა.

მსოფლიო ბანკის (World Bank) მოხსენება „ინვესტიციები საზღვრებს გარეთ 2010“-ის (Investing Across Borders 2010) მიხედვით, საქართველო, მსოფლიო 87 ქვეყანას შორის, ერთ-ერთი ყველაზე გახსნილი ქვეყანაა პირდაპირი უცხოური ინვესტიციებისთვის. მსოფლიო ბანკის აღნიშნული კვლევის ყველა ინდიკატორით, საქართველო, უცხოური კაპიტალის მიმართ სრულიად ღიაა და არანაირი შეზღუდვა არ არსებობს უცხოური კომპანიის მიმართ. საქართველოში უცხოური ბიზნესის წამოწყებისთვის მხოლოდ 4 პროცედურა და 4 დღეა საჭირო. საქართველოში მსოფლიოს ქვეყნებიდან ყველაზე სწრაფად ხდება შეზღუდული პასუხისმგებლობის საზოგადოების (შპს) შექმნა. უცხოურ კომპანია არ საჭიროებს დამატებითი დოკუმენტების წარდგენასა და არც იმის დასტურს, რომ უცხოეთში არსებული კომპანიის შვილობილ კომპანიას წარმოადგენს. კომპანიას შეუძლია „ონლაინ“ რეჟიმში შეავსოს რეგისტრაციისათვის საჭირო საბუთები და მიიღოს საიდენტიფიკაციო ნომერი. ქვეყანაში კომპანიებს შეუძლიათ საბანკო ანგარიშები უცხოურ ვალუტაში გახსნან. არ არსებობს მინიმალური კაპიტალის მოთხოვნა, როგორც ადგილობრივი, ასევე, უცხოური კომპანიისათვის. საქართველოში ბიზნესის წამოწყება კომპანიას 1 კვირაზე ცოტა დროში (4 დღეში) შეუძლია. აღნიშნული კვლევის მიხედვით, ბიზნესის წამოწყება პოლონეთში საჭიროებს 33 დღეს, რუსეთში - 31 დღეს, საბერძნეთში - 22 დღეს, ბულგარეთში - 20 დღეს, სომხეთში - 18 დღეს, თურქეთში - 8 დღეს. ბიზნესის დაწყების პროცედურები ყველაზე მეტ ხანს, თითქმის 6 თვეზე მეტს მოითხოვს ანგოლასა (263 დღე) და ჰაიტიში (212 დღე). 2008 წელს მიღებული კანონით, ქ. თბილისში, მიწის ფლობასთან დაკავშირებული სარეგისტრაციო საკითხები ძალიან გამარტივდა და დაჩქარდა. მიწის, როგორც იჯარით აღება, ასევე, ყიდვაა შესაძლებელი და ამ კუთხით, არ არსებობს შეზღუდვა მიწის ფართობთან დაკავშირებით. მიწის იჯარით აღებისათვის, საქართველოში, 1 კვირაა საჭირო, მაშინ, როდესაც პოლონეთში აღნიშნული პროცედურა 5 თვეს საჭიროებს. სახელმწიფო საკუთრებაში არსებული მიწის იჯარით გაცემა საქართველოში 50 დღეშია შესაძლებელი, ხოლო ბულგარეთში, თითქმის 1 წლამდე (351 დღე) ხანგრძლივდება. მსოფლიო ბანკის კვლევა „ინვესტიციები საზღვრებს გარეთ 2010“ აანალიზებს პირდაპირ უცხოურ ინვესტიციებს მსოფლიოს 87 ქვეყანაში. კვლევის ინდიკატორები ფოკუსირებულია 4 თემატურ საკითხზე, კერძოდ, თუ როგორ ახერხებს უცხოური კომპანია ამა თუ იმ ქვეყანაში ინვესტირებას, საქმიანობის წამოწყებას, მიწის ფლობასა და ბიზნესთან დაკავშირებული დავების მოგვარებას.

იხილეთ სტატისტიკა...

სსიპ - შემოსავლების სამსახურის მიერ მომსახურების გაწევისათვის საფასურები და მათი განაკვეთები
საქართველოს მთავრობის დადგენილება No96
2010 წლის 30 მარტი

საქართველოს ფინანსთა მინისტრის და საქართველოს ეკონომიკური განვითარების მინისტრის 2009 წლის 30 დეკმებრის No-890 და No-1-1/2978 ერთობლივი ბრძანების თანახმად, საქართველოს სავაჭრო-სამრეწველო პალატას უფლება მიეცა განაახლოს საქონლის წარმოშობის სერტიფიკატის გაცემა.

თუ 2008 წლის 1 აგვისტომდე პალატა გასცემდა მხოლოდ საქონლის წარმოშობის CT-1 სერტიფიკატს, აღნიშნული ბრძანებით, მას უფლება მიეცა დამატებით გასცეს კიდევ სამი სერტიფიკატი:

1. საქონლის შეღავათების გარეშე (არაპრეფერენციული) წარმოშობის სერტიფიკატი;

2. საქონლის შეღავათიანი (პრეფერენციული) წარმოშობის სერტიფიკატი ფორმა "A";

3. პრეფერენციული წარმოშობის სერტიფიკატი EUR 1.

პალატას მრავალწლიანი გამოცდილება აქვს სერტიფიკატების გაცემისა, რაც იმის გარანტიაა, რომ ჩვენი მომსახურება იქნება ოპერატიული, მაღალხარისხიანი და გაცილებით შეღავათიანი.

პალატის მერ სერტიფიკატის გაცემის ვადა და მოსმახურების ტარიფი (დღგ-ს ჩათვლით) განისაზღვრა შემდეგი სახით:

- თუ სერტიფიკატის გაცემას დასჭირდა 2 სამუშაო დღეზე მეტი – უფასო;

-  2 დღე – 20 ლარი;

-  4-8 საათი – 50 ლარი;

-  1-3 საათამდე – 75 ლარი.

საქართველოს ნავთობისა და გაზის კორპორაცია საქართველოში ნავთობის გადამამუშავებელი ქარხნის აშენებას ისახავს მიზნად. ნავთობის გადამამუშავებელი ქარხნის დაგეგმვა-მშენებლობაზე კორპორაციას ინტერესთა გამოხატვა აქვს გამოცხადებული. კონსულტანტმა უნდა განახორციელოს საქართველოში ნავთობის გადამამუშავებელი კომპლექსის მშენებლობისათვის ტექნიკური და ეკონომიკური შესაძლებლობის შესწავლა, რომელიც უნდა აკმაყოფილებდეს საერთაშორისო ფინანსური დაწესებულებების ფინანსირების მოთხოვნებს. კერძოდ, ბაზრის ანალიზს, მომარაგების საშუალებების დადგენას, წარმოებული ნავთობ-პროდუქტების მოცულობის დადგენას, სარგებლისა და დანახარჯების შეფასებას, ალტერნატიული გადაწყვეტილებების ანალიზს, რისკების ანალიზს, ბიზნეს გეგმისა და ფინანსური მოდელის შემუშავებას, პროექტთან დაკავშირებული ინფრასტრუქტურისა და მომსახურებების შეფასებას, კონცეპტუალურ დაგეგმარებას. კონსულტანტის მიერ მომზადებული ტექნიკურ-ეკონომიკური დასაბუთება სრულად უნდა გადმოცემდეს პროექტის შესაძლო გარემოზე ზემოქმედების შეფასებას, აღწერდეს არსებულ საკანონმდებლო შეზღუდვებსა და რეგულაციებს და მოიცავდეს საკმარის ინფორმაციას სატენდერო დოკუმენტაციის ჩამოსაყალიბებლად შემდგომი დეტალური დაპროექტებისა და მშენებლობისათვის. საქართველოს ნავთობისა და გაზის კორპორაციის ინფორმაციით, ამჟამად, საქართველოში ნავთობის გადამამუშავებელი ქარხანა არ მუშაობს, შესაბამისად, ქვეყანა მთლიანად იმპორტირებულ ნავთობ პროდუქტებზეა დამოკიდებული. მზარდი მოთხოვნა ნავთობ პროდუქტებზე ადგილობრივ და რეგიონალურ ბაზარზე ინფრასტრუქტურის განვითარებასთან ერთად ნავთობის გადამამუშავებელი კომპლექსის არსებობისთვის ქმნის საფუძველს. კორპორაციაში წინადადებების მიღება მიმდინარე წლის 15 ივლისამდე იწარმოებს.